حصريا على منتدى قمر بني معن الحلو روااااية جرحني وصار معشوقي كاااااااامله

رواية جرحني وصار معشوقي

السلام عليكم ورحمة الله وبركاته



اسم الرواية : رواية جرحني وصار معشوقي

الكاتبة : رسمتك حلم


تنويهـ : الرواية ليست كاملة بل إلى أخر حرف كتبته الكاتبهـ ونظرا لإقبال القراء عليها تم إنزالها لكم



)( الجزء الأول والثاني من رواية جرحني وصار معشوقي )(



* * * * * * * * * * * * * * * * * *
طلعت من المستشفى بعد شهر من العزا دخلت غرفتها
وارتمت على سريرهاوهي تبكي
انفتح باب الغرفه بقـــــووه فزعتها كانت زوجة أبوها تصرخ فيها: لميـيـيــس وصمخ،،،قوومي يالله بلا دلع وسوي الغداء ولا تسوين نفسك تعبانه أوحزينه كان فرغتي اللي فيك في المستشفى،،أنا ماعندي دلع دلعك راح مع أهلك يالله قومي.
لميس خايفه:ب..بس أنا ما..أعرف
أم هدى بصراخ:نعــــم نعم كيف ماتعرفين (وبحقد)طبعا مارح تعرفي موأنتي عايشه في بيت كله خدم وأنا أبوكي ماكلف ع نفسه وجابلي خدامه
(وبصراخ)قومــــي يالله بتسوينه غصب عنك فاهمه لأنك بتصيري الخدامه اللي أبوكي ماجابها لي (وباستهزاء)وبلاش كمان
طلعت من الغرفه بعد مارمت كلامها عليها غمضت عيونها وشهقت” آآآآآآه يمه ويينك ليش تركتيني أعاني ليش ماأخذتيني معك وريحتيني لييييييش”
دفنــت وجهها على المخده وهي تبكي وترتجف وكل شئ صار يمر قدامها…حريق…دخان…جثث…صر ااخ…”آآآآآآآه(حطت إيديها على أذانيها ماتبي تسمع الأصوات اللي تتردد في راسها)”
دخلت عليها هدى بنت زوجة أبوها من زواجها الأول
هدى: لميس
رفعت لميس راسها وهي تمسح دموعها وتطالعها:نعم
هدى تطالعها بدون نفس:قومي سوي الغداء أنا جوعانه.
لميس :أوكيه
هدى من طرف خشمها:يالله بسرعه
لميس تأففت وهي تدخل للحمام ووقفت قدام المغسله وغسلت وجهها طالعت وجهها في المرايه كان وجهها أصفر وعيونهاالزرقاء مورمه من البكى وذبلانه وشعرها مبهذل تجمعت الدموع في عيونها وهي تطالع شكلها المتغيرسمعت صوت زوجة أبوهاتناديهاغسلت وجههاورتبت شعرهاوطلعت.
(لميس بنت جميله جمالها خيالي
شعرها كستنائي يوصل لكتفهانااعم من نعومته كأنه خيوط وعيونها كبار وزرقاء وبشرتهابيضاء وفمها صغير
طبعا ماخذه جمالها من أمهاالبريطانيه(جوانا) تزوجها أبوها لماكان في بريطانيا وكانت مسلمه أخذها لأهله لكن أهله بحكم عاداتهم رفضوا زوجته وأبوه طرده من البيت رجع لبريطانيا لان زوجته كانت حامل وبعد ماولدت وجابت ولد سماه رامي بعده بأربع سنوات جابت بنت “لميس”وبعد سنوات رجع للسعوديه وترك زوجته وعياله في بريطانيا وحاول يرضي ابوه ولما طلب منه إنه يطلقها رفض لأنه يحبها وعلشان عياله واضطر إنه يوهم أبوه إنه طلقها لكن أبوه غصبه إنه يتزوج بنت صديقه “سفاجه”وكانت متزوجه قبله وعندها بنت”هدى” .تزوجها لكن كان مايجلس معاهاكثير لأنه كان يحب زوجته البريطانيه ومايبيهاتزعل فكان يسافر لبريطانيا لهاعلى إنه مسافر لعمله ويجلس عندها أسابيع ويرجع للسعوديه لكن في الأخير إنتقل للسعوديه هو وزوجته و طبعاأبو زوجته الثانيه إكتشف زواجه وفض الشراكه بينه وبين أبوه،أبوها حاول يطلق بنته منه لكنهارفضت لأنها خافت من كلام الناس بطلاقهاالثاني. أماأبوه غضب عليه وطرده وزوجته الثانيه كرهت وحقدت على زوجته الأولى وعيالهالانه يحبهم ويفضلهم عليهابعد ماتوفى بشهرين رامي أخذ أمه وأخته لبريطانيا وعاشو فيها بعدثلاث سنوات رجعوا للسعوديه وفي آخر السنه كانت لميس في المدرسه لمااحترق البيت على أمهاوأخوهاوارجعت لقت سيارات الشرطه والإسعاف والإطفاء ماليه الشارع وشافت الحريق يطلع من الشبابيك انجنت وحاولت تدخل للبيت علشان أمها وأخوها لكن الشرطه كانو ماسكينهاحاولت تفلت منهم وهي تصرخ وتسمع صرخات أمها وأخوهاوهم يحترقون وماتوا ولاقدروا ينقذونهم
دخلت للمستشفى من الصدمه والإنهيار اللي أثر فيها بشده ولماطلعت أخذتها زوجة أبوها لأن أعمامها ماكانوا يعرفون بوجودهم فأخذتها علشان تنتقم من أبوهاوأمها وتذلها)

نزلت لميس للمطبح محتاره ماتدري وش تسوي ماتعرف تطبخ ولاعمرها دخلت للمطبخ كانت خايفه من زوجة أبوها
ارتعبت لماسمعت صوتها خلفها
سفاجه:ليش واقفه يالله سوي الغدا
لميس بخوف:و..الله ماأعرف
سفاجه بصراخ وهي تشد شعر لميس :هذا اللي إستفدتيه من الخدم والحشم بس أنا بربيك من أول وجديد
دفتها علي الفرن وأخذت كتاب طبخ ورمته عليها:شوفي الكتاب هذا وتعلمي منه
طلعت من المطبخ وتركت لميس تبكي وهي تسوي الغداء ماتعرف كيف وحاولت تقلد الكتاب لماخلصت كانت ماسكه قلبها خايفه مايعجب سفاجه وتضربها
جلست سفاجه ع طاولة الطعام مع بنتها وقدمت لميس الأكل وكان شكله مايأهل يتآكل
طبعا ماعجب سفاجه وبنتها وضربت لميس ولا إستجابت لتوسلاتها ودموعها
دخلت لميس غرفتهابعد ماأجبرتها سفاجه تنظف المطبخ والبيت
انسدحت على سريرها كانت تحس بتعب وإرهاق وجسمها متكسر من الضرب و الشغل بكت لين نامت
رواية جرحني وصار معشوقي
في الصاله..
هدى جالسه عندالتلفزيون متابعه مسلسل جلست عندها أمهاوقالت: وين العله.
هدى بدون نفس: بغرفتها.
أم هدى بحقد:أف منها ومن دلعهاوالله لخليها تنسى الدلع .
هدى بقهر: يمه ارميهابالشارع مابيهاأكرههاوأكره جمالها ماودي أشوفها في البيت.
أم هدى:لا مارح أرميها بخليها خدامه في البيت ماتذوق طعم الراحه بعذبها مثل ماعذبني أبوهاعلشان أمهاالعقربه.
هدى:ليتها ماتت مع أمهاوأخوهاوفكتنا.
رن التلفون وردت أم هدى
أم هدى:ألو
…….:هلا أم هدى شخبارك؟
أم هدى:هلا أم ناصر وشلونك؟
أم ناصر:بخير.شخبار هدى وبنت زوجك إممم شسمها إيه لميس.
أم هدى كشرت:اسكتي لاتجيبين طاريها قطيعه تقطعها.
أم ناصر: ههههه شفيك شصاير؟
أم هدى: ذبحتني ياأم ناصربدلعهاودي أذبحهالاشفتها تذكرت أمها.
أم ناصر: ايه صح يقولون إنهاحلوه على أمها.
أم هدى بغيره:وععع من زينها .أم ناصر:ههه عساها تهرج إنجليزي.
أم هدى بقرف:لا تهرج عربي أحسن مني ومنك بس لازم تجيب لها كلمه من هرج أمها.
أم ناصر: زين أجل.
أم هدى:آ آ خ بس لوأذبحها وافتك.
أم ناصر: ههههه الله يعينك أنا لو منك كان خليتها خدامه عندي.
أم هدى:هذا اللي بيصير.

صحت لميس من النوم وتحس راسها مصدع قامت وشافت الساعه ثمان قامت بسرعه وهي خايفه من زوجة أبوها تذبحهالانها مانظفت البيت دخلت للحمام وأخذت شورسريع ولبست بيجامه سماويه قطن مريحه وربطت شعرها ذيل حصان ونزلت في الصاله تفاجأت لمامالقت أحد “شكلهم
طالعين أحسن فكه”
دخلت للمطبخ وهي حاسه بجوع فظيع فتحت الثلاجه وصلحت لهاساندويش جبن وجلست على الطاوله تاكل
سمعت صوت الباب وعلطول قامت وشالت أكلها ودخلته في الثلاجه وهي ماأكلت منه إلاشوي وغسلت وجهها لأنها لوشافتها تاكل بتضربها.
أم هدى تفسخ عبايتها:لميييس،،،وصمـــــ
طلعت لميس بسررعه:نعم
لميس خافت من نظراتها وهي ترمي عليها عباتها:خذي غسليهاوغسلي عبايت هدى بعد.
مشت أم هدى للدرج ووقفت ولفت لها:سويـتي العشا؟
خافــــت وارتبكـــــت لأنها ماسوته قربت أم هدى منهاوهي تعيد كلامها:سويتي العشا.
لميس بصوت واطي: لا.
قربت منهاأم هدى ومسكت شعرها بقـــــوه وشدته صرخت لميس من الالم وحاولت تفك إيدها منها.
أم هدى وهي شاده شعر لميس:ليش ماسويتي العشا ..أنا كم مره قلت لك إذابغيت العشا ألقاه جاهز…
لميس تبكي:بس لسى ع العشا الساعه ثمانيه آ آ آه
أم هدى تسحبهامن شعرها للمطبخ: كيـــــفي أنا أبغاه اللحين .
رمــــت لميس على الطاوله وضرب جنبها بقوه عليها وصرخت من الألم وطاحت ع الأرض
أم هدى تصرخ فيها:اللحيـيـين تسوينه وإلا قسم بالله لأذبحك
ســـااامــعـــــه.
طلعت أم هدى من المطبخ وتركت لميس ع الأرض ماسكه جنبها وملتويه ع نفسها من الألم وتبكي”آ آ آه يمـــــه ،،رامـــــي
ويـــــنكم”
شـــــهقـــــت لما حست بمويه بـــاااارده على راسها رفعت راسها شافت هدى واقفه ومعها كاسة مويه وتطالعها بابتسامه سخريه:يمكن تنشطين وتصحصحين وتعرفين إنك هنا خـــــدامه وحقيـــــره وتسوين المطلوب منك بسرعه.
رمت الكاسه ع كتف لميس وطلعت تضحك ،
لميس حست بالقهر ودها تقوم تذبحها بإيدها بعدين عرفت إنها لو تظل تتمنى مارح تقدر تسويها
قامت بصعـوبـه ورفعت الكاسه وأخذت المنشفه مسحت المويه وسوت العشا لما خلصت حطته ع الطاوله في الصاله ومشت بتدخل للمطبخ قابلت أم هدى كانت تناظرها بكره:اليوم مالك عشا ولوعرفت إنك أكلتي بذبحك ويالله ع غرفتك
دفت لميس ع الدرج :وإذا ناديتك تجين عند رجليني ســـــامعه.
دخلت للصاله ولميس شالت نفسها وسكرت عليها الغرفه وهي حاسه بغصه بحلقـها جلست ع السريروفتحت درج الكومدينه وطلعت صورت لها مع أهلها نزلت دموعها وضمت الصوره لصدرها كانت محتاجه تضم أحد فيهم وتشكي له وتنسى العذاب اللي هي فيه.

نظفت لميس المطبخ وهي حاسه بدوخه لانها جوعانه ودها تاكل شئ بس ماتقدر لأن هدى جالسه تراقبها وتتأكد إنها ماأكلت شئ وترمي عليها من كلمــاتـــها الجارحه
لماخلصت لميس من المطبخ وكالعاده هدى قفلــت المطبخ وراحت غرفتها
دخلت لميس غرفتها وانسدحت ع السرير وحاولت تنام بس ماقدرت كان بطنها يآلمـها من الجوع تقلبت ع السرير لحد مانامت.
العـــــصـــــر:
طلبت أم هدى من لميس تسوي كيك وحلى لان في ضيوف راح يزورونهم لميس حمدت ربها إنهاتعرف ولا كان راحت فيها
جهزت كل شئ وطلعت من المطبخ وقابلت هدى نازله ع الدرج كانت لابسه تنوره قصيره مكسره سوداءوبلوزه صفرا نص كم وفاكه شعرها
كتمت لميس ضحكتها لان شعر هدى ماستشورته زين ومنكوش ( هدى ماكانت حلوه عاديه شعرها أسود وحنطيه ودبدوب شوي وعيونها صغار)
وقـــــفت بغرور :شوي شوي لاتعطيني عين أدري إني حلوه وأحلى منك.
لميس “مصدقه عمرها هذي” طالعتها من فوق إلى تحت:واضـــــح
تغير لــون وجههاوانقـهرررت
مسكت يد لميس بقهر
هدى بقهر:غصب عننننننك على الأقل أنا أحسن منك
تركت يد لميس بقررف وهي تأشر على لميس بأصبعها:أنتي مـــجـــرد خدا ا امه وفقييره وتافهه ووجودك مثل عدمه في الحياة
دفـــــــت لميس وراحت
تجمعت الدموع في عيون لميس
وهي حاسه بقهر وذل وصعدت الدرج وقبل تدخل غرفتها سمعت صوت أم هدى:إسمعي الحين يوصـــلون الناس أناودي أخليكي في الغرفه ولا تورينهم رقعة وجهك بس أكيد بيسألون عنك،إلبسي بسرعه ولا تتزيين لأن ماحد راح يطالع في خشتك
فلا تتميلحين.في قصر ابو رعد:

ريم تركض لاحقه فهد وتصارخ:فــهــهــهــهـهد رجعع كر ا ا ا ا استي يادووووب،،،،فهههههههههد

ضحك:هـهــهــهــه لاا ا ا ا أول شئ اوعديني انك توديني للملاهي وأعطيك إياها

ريم معصصبه: مااأرح أوديييييك
وبتجيبها غصصصب عنك،،،،فهههد

دخل فيصل البيت وشاف فهد يركض ووراه ريم "الحمد والشكر انهبلو"
مسك فهد وأخذ منه الكراسه

ريم وقفت عنده وهي تلهث:ف فيصل ،،عطني كرراستي

فيصل يطالع الكراسه بسخريه:اللحين كل هالصراخ والركض علشان هالكراسه

ريم:ايه عطني إياها

فتح فيصل الكراسه وريم صرخت:لا ا ا ا تفتحها

فتح فيصل عيونه بقوه وهو يقلب الرسومات وماقدر يمسك نفسه وانفجر ضحك:ههههههههههه هههههههههههههه

ريم عصبت وسحبت الكراسه:ضحكت بلا ضروووس إن شاءالله وش يضحك

فيصل يضحك ماسك بطنه:ههههههههه الله ياخذ بليسك وش ذالرسم لك ههه كنك هههه وحده في الروضه ههه ،أقول خلي الرسم لأهله

ريم حطت إيدها ع خصرها تتطنز معصبه:لاا تكفى عاد الرسام خشتك،عاد من زين رسمك

فيصل بغرور:أصلا أنا لوأحب الرسم كان صرت فنان بس مشكلتي مااحبه

ريم باستهزاء:ياواثق أموووت بالثقه وأهلها

فيصل غمز لها:أعجبــــــك

طلعت أم رعد وهي ماسكه عبايتها:أنتو شفيكم ماأشفوكم
إلا تتهاوشون كنكم توم وجيري

فيصل يستهبل:أححححلـى أمي متابعه توم وجيري ترى اللحين تجي بسبيستون روحي لاتفوتك

أم رعد ضربت فيصل ع كتفه بخفه:بس عاد

ريم:ههههههههههه،،،(تطالع عباية أمها) إلا يمه وين رايحه

أم رعد:بروح لحفلة أم سامر

فيصل :وأنا أقووووول الكشخه هذي كلله لمين،وأبوي مو موجود تكشخين له،،وصارت للحفله(ويطالعها باعجاب)بس يمه ماااشاءالله طااالعه قمر كنك أم سنه
أ
م رعد بغرور:أنا حلوه مهما كبرت

ريم باستخفاف:ياربي الثقه نازله ع الكل ماأدري شصاير في البيت

فيصل:هههههه

أم رعد:مع السلامه أروح أصرف لي
ف
يصل يكلم أمه اللي تلبس عبايتها:يــمه مين بوصلك

أم رعد:السواق

طلعت أم رعد وفيصل راح ينام وريم راحت تكمل رسمها

في غرفــــــة رنــــــا:

رنا تكلم في الجوال:الحمد لله إنتي شخبارك

دلال:بخير،،،وشخبار ريم

رنا:تمام

انفتــــــح الباب بقوه :هـــاااااي

رنـــا بعصبيه:وجــــــع كسرتي الباب وش ذالدفاشه

ريم:ســــــوري

جلست جنب رنا وقربت إذنها من الجوال:مييين تكلمييين

رنا بعدت عنها:وش ذالقافه

ريم بزن:يالله عاد مييين قولي

رنا مالهاخلقها: دلال

ريم كشرت:دلال

رنا:أيوه

دلال :هذي ريم

دلال:للحين مدفوشه

رنا:وإلى الأبد

دلال:وش تبغى

رنا:ملقوفه

ريم تطالعهابنص عين:تراني حاسه إنكم تحشون فيني وأنا إحساسي مايخيب

رنا باستخفاف :صح ياأم الاحساس

ريم كشرت:وعععع وأنا وش مجلسني عندكم أقوم أحسن

قامت وطلعت برى

دلال بقرف:أففف أختك هذي بصراحه مو مهضومه أبدآ

رنا:خلك منها بس

دلال بنعومه:وش أخبار رعد

رنا ابتسمت:بخير ولابعد قريب بيرجع

دلال بفرحه:واللــــــه

رنا ضحكت:هههههه يعني قريب بنشوفك عروسه

دلال استانست مرره:ياربي متى

رنا:عيــــــب ماتستحين إنتي مستعجله ع الزواج

دلال :حــــــرام عليك لي سنه مخطوبه له مليت

رنا:صبرتي هالسنه اصبري كم شهر

سمعت رنا دق ع الباب:ميــــــن

عادل:أنا عادل

رنا:أيوه تفضل

دخل عادل:السلام،رنا وين حطيتي الابتوب

رنا بعدت الجوال عن إذنها:إمممم في غرفتك

عادل:تعالي طلعيه بسرعه

رنا تكلم دلال:أوكيه دلال أكلمك بعدين باي

سكرت منها وراحت معه لغرفته وطلعته له

رنا تمد الابتوب له:عادل متى تجيب لابي من المحل

عادل جلس عالسرير وحط الاب فوق رجوله:اليوم

رنا جلست جنبه:وليه مواللحين

عادل وعيونه ع الشاشه:ماتشوفيني مشغول بعدين عاد لاتحنين

رنا قامت:أففف طيب عطني عنوان المحل وارسل السواق

عادل التفت لهاوأشر ع الباب:شفتي الباب هذا ضفي وجهك منه

رنا انقهرت:مالــــــت عليك

وطلعت من الغرفه وعادل ابتسم ع شكلها المقهور

سمعت صوت التلفون وراحت تركض له بس فهد سبقها وأخذ السماعه: آلــــــو

رعــــد:هــــــلا فهودي

فهد بابتسامه واسعه:رعــــــد

رنا انهبلت وسحبت السماعه منه: عطنــــــي

فهد يسحبها:خليها يادوبه

وقعدوا يتهاوشون ع السماعه ورعـــد ينادي عليهم
وفاز فيها فهد بعد بكى

فهد : رعــــــد

رعــــد بتنهيـــده:وآآآآخيرا

فهد يبكي:رعــــــد شوف رنا الدوبه بتاخذ السماعه وأنا بكلمك

رعـــد: لايا حبيبـــي خلاص لا تعطيها السماعه،،كيفك؟

فهد:الحمد لله بخير،،رعــد متى بترجع

رعــــد:قريب إن شاءالله

رنا سحبت السماعه من فهد:خـــلاص يكفي،،،آلــــــو

رعـــد:هلا رنا

رنــــا:آ آ آ آ آي وجـــع

رعـــد: نعــــــم

رنا:الدب فهد قرصني وهرب

رعـــد:هههههه كيفك؟

رنا:تمام وانت

رعـــد:تمام

رنا بابتسامه:ترى دلال تسلم عليك

رعـــد:...... الله يسلمها وين ريم

رنا:بغرفتها

رعـــد : ناديها بكلمها

رنا بغيره: وأنا مامليت عينك

رعـــد:إلا بس أنا ماكلمت ريم من زمان وأنت مكلمك قبل

رنا:لحظــــــه

حطت السماعه ونادت ريم وريم جت تركض وأخذت السماعه:هــــــلاوغــــــلا بالقاطع اللي ماكأنه عنده أخت وحبيبه إسمها ريم

رعـــد إبتسم:هلا بك ،،كيفك؟

ريم بوزت بزعل: مو بخير

رعـــد: آفــــا ليييه

ريم بعتاب:أولا:لأنك ماكلمتني من زمان بس تكلم ريم وثانيا:فيصــــــلوه رافع ضغطــــــي

رعـــد بضحكه:يـــاقلبي والله مشغول وإذا دقيت عليك مشغول أو مقفل وأناكلمت رنا وقلتها بكلمك بس ماكنتي عندها
وإذا ع فيصل أكلمه وأغســــل شراعه وش تبغين بعد

ريم ضحكت: هههههه بعدي والله برعووودي

رعـــد عصب:أصغر عيالك أنا

ريم ضحكت لأنهاتدري إنه مايحب أحد يدلعه:هههههه أدلعك شفيك بعدين متى ترجع

رعـــد:بعد كم اسبوع إن شاءالله

ريم شهقــــــت:واللــــــه وناااااسه،أجل بتاخذ حقي من فيصلوووه

رعــــــد:هههه هذا اللي هامك إنتي ،ماتقولين ترجع بالسلامه

ريم استحت:هههههه ترجع بالسلامه

رعـــد:يالله ريامي لازم أسكر سلمي لي ع الكل باي

ريم:يوصل باي...


عائلة ابو رعد**

ابورعد (مشاري) :رجل اعمال كبير ومعروف صاحب جاه وثراء..

ابنائــــــــــــــه:

"رعــــــــــد":عمره 26(سته وعشرين)سنه,.يدرس في امريكا تخصصه ادارة اعمال
علشلن يمسك اعمال ابوه**شاب عصبي جدا ..مغروووور..حازم..أجمل وأوسم شباب العائله..صاحب شخصيه
و هيبه تحتم ع الكل احترامه..صاحب شركه كبيره من مجموعة شركات ابوه **

"رغــــــــد":عمرها 25(خمسه وعشرين)سنه..متزوجه من ولد خالتها"عمر"**حلوه..رقيقه..رومانسيه**

"فيصـــــل":عمره 24(اربعه وعشرين)سنه..يدرس هندسه..**وسيم..خفيف دم وخفة دمه ما قللت من قوة شخصيته ..حبوب**

"عــــــادل":عمره23(ثلاث وعشرين)سنه..يدرس صيدله**مرح..خفيف دم..عايش حياته مثل مايحب..حبوب..وكمان وسيم**

"رنــــا":عمرها 19(تسعة عشر)سنه..**حلوه كثير..مغرووووره..متكبره**

"ريــــــم":عمرها 18(ثمانية عشر)سنه**حلوه..مرحه..**

"فهد":عمره6(ستة)سنوات....

************************************

فــــــزت لميس من النوم وأم هدى شاده شعرها:قومــــــي ياللــــــه أنتي مو في فندق تنامين ع كيفك قومــــــي غسلــــــي الحوش
لميس مو مستوعبه شئ لأنهامابعد صحصحت وتحاول تفك شعرها منها:آ آ آ آ آه
شعــــــري حرا ا ام عليك
أم هدى شاده شعرها وتسحبها : حــــــرمت عليك عيشــــــتك قومــــــي
دفــــــت لميس ع الأرض
ووقفت عند الباب بتطلع:ياللــــــه قومي وياويلك إن رجعتي تنامين هالمره بحرق وجهك
طعت من الغرفه ،،، قامت لميس وهي ماسكه راسها تحس إنها بتدوخ من قوة شدها لشعرها
دخلت الحمام ومدت يدها تمسك المغسله وتحاول تتوازن
غسلت وجهها وفرشت أسنانها وطلعت شافت الساعه لقتها 10 الصباح"آففف وتبغاني أغسل الحوش بالحر والشمس"
لبست قميص خفيف أبيض مورد بورد وردي ولمت شعرها ذيل حصان وحطت واقي شمس ع وجههاورقبتها وإيديها
ولبست شبشب وطلعت
غسلت الحوش وهي ميته حر وراسها يدور لأنها ماأكلت شئ
لما خلصت دخلت للبيت وقابلتها أم هدى: صلحي الغدا بسرعه وغسلي الملابس
استغربت أمس مغسله الملابس: بس أنا أمس مغسلتها
أم هدى بحقد:عارفه هذي ملابس أم ناصر ماعندها خدامه وطبعا البركه فيك
انقهرت لميس "مشغلتني خدامه عندها وعند غيرها بعد"
دخلت للمطبخ وحطت الغدا ع النار وراحت تغسل الملابس اللي ماخلصت منها إلا العصر
لميس ماسكه ظهرها من التعب :افففف حشى موملابس هذي كنهاطالعه للبر شهر
دخلت للمطبخ ونظفته وصلحت لها ساندويش لأنهم ماخلو لهاغدى أكلتها وراحت غرفتها وأخذت شور سريع ولبست برموده بيج وبلوزه أورنج نص كم ورفعت شعرها شنيون
دخلت هدى عليها طالعتها من فوق لتحت
لميس:نعم
هدى بعيون ضيقه:تقول أمي إكنسي الحوش
لميس فتحت عيونها بكبرها:بس أنا توني مغسلته
طالعتها هدى باستخفاف:والله عاد الحوش غبر وتبيك تكنسينه كيفها
طلعت لميس من الغرفه وهي شوي تبكي من القهر"حــــرام
تعبت من الشغل أبي أرتاح"
طلعت للحوش وشافته مليان تراب انقهرت كان واضح إن أحد ناثره في الحوش وأكيد هدى
قعدت تكنس وهي طفشانه وقعدت تغني:
أميــــــرة الورد ليه
الــــــورد مفتونــــــك
ليــــــه في حياته يحاول
:من زيــــــن صوتك تغنين
لفت لميس وشافت هدى واقفه عند الباب
لميس بثقه:ما أخذت رايك وإذا كنتي مقهوووره ادخلي داخل وريحي عمرك
وعطتها ظهرها وكملت كنس وهي تغني لفت لماحست بهدوء مالقتها موجوده ضحكت وكملت شغلها
سمعت الباب يرن وطلعت هدى وافتحته دخلت وحده واكشفت تسلم ع هدى لماشافتها لميس تذكرتها كانت رنا
رنا طالعت لميس من فوق لتحت بغيره لأن لميس كان شكلها كيوت حست بالكره لها وقالت وهي تأشر عليها:هذي خدامتكم
انصدمت لميس وهدى ضحكت وقالت: أيوه هذي الخدامه
رنا بسخريه:تصدقين عرفتها من شكلها شكل خدامه
لميس مصدومه من تعاملها لها وهي ماتعرفها بس لماشافت نظراتها لها فهمت ابتسمت بسخريه ولفت وجهها تكمل شغلها
رنا انقهـــــرت والتفتت لهدى:هدى يالله البسي عبايتك نطلع
نتمشى
هدى بتقهر لميس:وين بنروح اليوم
رنا بدلع:بنروح لمجمع الراشد وبعدها لأي مطعم تختارينه
هدى استانست:أوكيه
وراحت داخل
لميس أشفقت ع حالها من جات هنا وهي ماطلعت وذابحه نفسها بالشغل دمعت عيونها
رنا تطالع لميس بحسد ع جمالها ورشاقة جسمها وشوي تكسرها
طلعت هدى لابسه عبايتها وطلعوا

في السيــــــاره:
رنا:أف لميس هذي مادخلت مزاجي كرهتها من شفتها
هدى:أصلا ماحد يحبها في البيت
رنا:مالها أهل تجلس عندهم
هدى:يااااااليت كان ماشفتيها عندنا
رنا:ليه وين أهلها في بريطانيا
هدى بقرف من سيرة لميس: ماعندها ،،فكينا من سيرتها وخلينا ننبسط
وصلواللمجمع يتمشون وهم مبسوطين ع نظرات الشباب لهم وهم لابسين عبايات كتف مزينه ومتلثمين وريحة العطر تفوح منهم ما حسبوا حساب ربهم عليهم وإنه يشوفهم في الشكل هذا وإنه ممكن يقبض روحهم بأي لحظه

اقوووووول مو كني حاطه الروايه للقراءه والرد
ارجو الرد

مشكوووووووووووووووووووره ماتقصرين

العفو غناتي